Хабарингиз бор, кеча Олий лига 2-туридан жой олган “Олмалиқ” – “Насаф” учрашуви бўлиб ўтди. Учрашувда “Насаф” жамоаси биринчи бўлиб ўз дарвозасидан гол олиб чиққан бўлсада, ўйин якуни бўйича иродали ғалабани қўлга киритишди.

“Насаф” жамоаси ўз тарихида шу пайтгача Олмалиқда “Олмалиқ” жамоаси дарвозасига ҳеч қачон учта гол киритишга муваффақ бўлмаган.

Олмалиқда “Олмалиқ” жамоасини илк марта мағлуб этган Рўзиқул Бердиев қўл остидаги жамоа бу сафар “Олмалиқ” дарвозасига марта учта гол киритишди. Бу жамоанинг ҳимоясини ёриб ўтишнинг ўзи бир машаққат.

Ана шу ғалабада “Насаф” ПФК мухлислар клуби фаолларининг ҳам катта ҳиссалари бор. Чунки улар Қаршидан Олмалиқ шаҳрига узоқ йўл босиб боришди. Учрашув бошидан ёмғир ёға бошлади ва бу ўйин сўнггигача давом этди. Уларнинг фаоллигига  ёмғир ҳам ҳалақит қила олмади, қолаверса биринчи бўлимда майдон эгалари ҳисобда олдинга ўтиб олган пайтдан кейин ҳам улар ўз севикликларини қўллаб-қувватлашда тинчишмади. Стадион ўзра энг кўп ва баралла янграган қўллаб-қувватлаш ҳам уларники бўлди.

Учрашув тамом бўлгач, майдонда ҳаракат қилган  “Насаф” футболчилари ҳам ўз мухлислари олдига боришиб, миннатдорчиликларини изҳор қилишди ва ҳурмат бажо келтиришди.