Англия терма жамоаси ва Мадриднинг “Реал” клуби собиқ аъзоси Дэвид Бекхэм “Арсенал” клуби бош мураббийи Арсен Венгернинг ёнини олди. Гап шундаки, франциялик мутахассис бошчилигидаги жамоа сўнгги вақтларда яхши ўйин намойиш қила олмаётганлиги сабабли тобора мухлисларнинг жиддий норозиликларига учрамоқда.
Бекхэмнинг эътиборини инстаграм тармоғидаги бир расм тортган. Унда "тўпчилар" мухлислари “Арсен, хотиралар учун рахмат, аммо хайрлашиш вақти келди”, деб ёзилган эди.
– Уят. . . Бу мухлислар шунчаки омманинг эътиборни ўзига тортишмоқчи ва ҳурматсизлик қилишмоқда, – деди Бекхэм.