Футбол бўйича Европа Чемпионлар Лигасининг нимчорак финалида Испаниянинг «Барселона» клуби Англиянинг «Арсенал» жамоаси дарвозасига умумий ҳисобда 5 та гол урди. Голларнинг 2 тасига Лионель Месси муаллифлик қилган, дея хабар бермоқда «Sports.ru».
«Барселона» аргентиналик ҳужумчиси ҳозирга қадар «Арсенал» дарвозасини 9 марта ишғол қилган. Бу Мессининг Чемпионлар Лигаси доирасида битта клуб дарвозасига урган голлари сони бўйича рекорд ҳисобланади.
«Барселона» — «Арсенал» ўйинидан сўнг лондонликлар устози Арсен Венгеручрашувнинг энг яхши футболчиси деб топилган Луис Суарес ҳақида эмас, Лионель Месси борасида алоҳида тўхталиб ўтганди.
Испания чемпионатини ҳам қўшиб ҳисоблаганда, Мессининг голли серияси олти ўйинга етди. Сўнгги олти беллашувда ҳужумчи рақиблар дарвозасига 10 та гол урди. Сўнгги тўққиз ўйиндаги кўрсаткич эса 13 та голга тенг.
