Бугун Мустақил Ўзбекистонимизда футболнинг ривожига асос солган Ўзбекистон Республикаси Вазирлар Маҳкамасининг 18.03.1993 йилдаги 144-сон-сонли “Ўзбекистон Республикасида футболни янада ривожлантириш чора-тадбирлари тўғрисида” қарорини қабул қилинган куни.
Муҳтарам Президентимиз И.Каримов имзолаган ушбу қарор қабул қилингач, Мустақил Ўзбекистонимизда футбол тез суратларда ривожланишга юз тутди. Бугун эса юртимизда барпо этилган футбол иншоотлари ва инфраструктураси ҳамда яратилган шароитлар бемалол ривожланган давлатлардаги шароитлар билан рақобатлаша олади.
Фурсатдан фойдаланиб, Мустақил Ўзбекистонимиз футболини ривожида тинмай меҳнат қилаётган барча футбол мураббийларини, футболчиларни ва юртимиз футболи мутассадиларини ҳамда ҳомийларимизни мустақил Ўзбекистонимиз футболи куни билан самимий қутлаймиз! Юртимиз футболининг янада юксак чўққиларга чиқаришдаги фаолиятингизда зафарлар тилаб қоламиз.