“Арсенал” жамоаси ярим ҳимоячиси Месут Ўзил Англия чемпионати 31-турида “Эвертон”га қарши (2:0) ўйинда жароҳат олди. Бу ҳақда goal.com хабар бермоқда.
Германиялик футболчи мушакларини шикастлаб, 74-дақиқада майдонни тарк этишга мажбур бўлди. Жамоа бош мураббийи Арсен Венгернинг маълум қилишича, Ўзилнинг жароҳати оғир эмас. Бироқ унинг сафга қайтиш муддати номаълум.
Месут Ўзил жорий мавсумда Англия чемпионати доирасида 28 ўйинида майдонга тушиб, 5 та гол ва 18 та голли узатмага муаллифлик қилди.