Ўзбекистон кубоги. «Навбаҳор»

25 март куни "Қўқон-1912" Ўзбекистон Кубоги 1/8 финал биринчи учрашувини ўтказади. Жума куни Мурод Исмоилов шогирдлари Наманганда “Навбаҳор” меҳмони бўлади.

Ушбу учрашув олдидан мазкур жамоаларнинг кубок баҳсларидаги ўзаро ўйинлари ҳақида маълумот бериб ўтамиз.

Ўзаро ўйинлар
Ўзбекистон Кубоги доирасида бу жамоалар ўзаро уч марта майдонга тушишган. 1992 йили финалда, 1995 йили эса чорак финалда.

1992 йилги финал учрашувининг асосий ва қўшимча вақтларида ҳисоб очилмаган бўлса, пенальтилар сериясида наманганликлар 6:5 ҳисобида ғалаба қозониб, биллур соврин эгасига айланишган.

1995 йили эса бу жамоаларнинг йўли чорак финалда кесишган. Қўқондаги баҳсда майдон эгалари 4:3 ҳисобида рақибдан устун келишган. Намангандаги жавоб учрашувида эса 2:0 ҳисобида “Навбаҳор” ғалаба қозонган ва ярим финалга йўлланма олган.

Энг қизиғи, наманганликлар ўша мавсумда ҳам Ўзбекистон Кубоги соҳибига айланишган.

Йўқотишлар
Айни дамда Қўқонда машғулотга зўр берган жамоада яхши кайфият ҳукмрон. Футболчилар икки маҳал машғулотларда иштирок этишмоқда. Мавсум арафасида “Қўқон-1912” жамоаси сафига келиб қўшилган Алишер Зиявуддинов жароҳати боис, машғулотларда қатнашмаяпти.

Собиқ жамоадошлар
Водий дербиси мақомини олган мазкур баҳсда яна бир қизиқарли ҳолатга дуч келишимиз мумкин. “Навбаҳор” сафида тўп сураётган бир қатор футболчилар “Қўқон-1912” жамоасида ўйнаган ёки қишки йиғин чоғида машғулотларда иштирок этган.

Ўтган мавсумда қўқонлик футбол мухлисларида яхши таассурот қолдирган Игорь Голбан 2016 йилни “Навбаҳор”да ўтказмоқда. У 25 март санасида расмий ўйинларда биринчи марта собиқ жамоасига қарши майдонга тушади.

Шунингдек, қишки йиғинлар чоғида маълум вақт “Қўқон-1912” лагерида бўлган Алибобо Раҳматуллаев, Тоҳир Шамсиддинов, Хуршид Асқаров ҳам наманганликлар шарафини ҳимоя қилмоқда.

Ўйин вақти
25 март куни Намангандаги “Марказий” ўйингоҳда бўлиб ўтадиган учрашув соат 16.00да бошланади. Қўқонда ўтказиладиган жавоб баҳси эса 21 май санасига режалаштирилган. Ушбу беллашув ғолиби, чорак финалда “Пахтакор” – “Бухоро” жуфтлиги ғолиби билан баҳс олиб бориш имконига эга бўлади.

Учрашув ҳакамлари
«Навбаҳор» – «Қўқон-1912»
Бош ҳакам: З. Қодиров (Навоий)
Қанот ҳакамлари: Р. Нугманов (Тошкент), С. Еремеев (Тошкент)
Захира ҳаками: А. Раҳимов (Андижон)
Назоратчи: О. Дачев (Тошкент).

Тизимга кириш
Эл. почта:
Пароль:
	Эсда сақлаш

регистрация \| паролни тиклаш

22/12 00:45	Лечче	1-2	Лацио
22/12 01:00	Барселона	1-2	Атлетико
22/12 16:30	Рома	5-0	Парма
22/12 18:00	Валенсия	2-2	Алавес
22/12 19:00	Фулхэм	0-0	Саутгемптон
22/12 19:00	Лестер	0-3	Вулверхэмптон
22/12 19:00	Ман. Юнайтед	0-3	Борнмут
22/12 19:00	Эвертон	0-0	Челси
22/12 19:00	Венеция	2-1	Кальяри
22/12 20:15	Реал Мадрид	4-2	Севилья
22/12 21:30	Тоттенхэм	3-6	Ливерпуль
22/12 22:00	Аталанта	3-2	Эмполи
22/12 22:30	Леганес	2-5	Вильярреал
22/12 22:30	Лас-Пальмас	1-0	Эспаньол
23/12 00:45	Монца	1-2	Ювентус
23/12 01:00	Бетис	1-1	Райо Вальекано
23/12 22:30	Фиорентина	-	Удинезе
24/12 00:45	Интер	-	Комо

Ўзбекистон кубоги. «Навбаҳор» – «Қўқон-1912». Превью

ЭНГ КЎП ЎҚИЛГАН ЯНГИЛИКЛАР