Бугун бўлиб ўтган «УзДонгЖу” ва “Локомотив” ўртасидаги учрашувдан кейинги матбуот анжуманида мезбонлар бош мураббийи Абдурашид Исмоилов ўз фикрларини билдириб ўтди.
“Бугунги учрашув биз учун жудаям қийин кечди. Лекин бу кутилган ҳолат эди. Чунки “Локомотив” Ўзбекистондаги энг кучли жамоаларидан бири хисобланади. Биз учрашувга қўлимиздан келганча тайёргарлик кўрдик. Биз “Шўртан”ни ютиб, “Локомотив”га тушганимиздан хурсанд бўлдим. Шогирдларим бугун яхши ҳаракат қилишди деб айта оламан. Яқинда Биринчи лига баҳслари ҳам бошланади. Бугунги учрашувда шогирдларим ўзларига бўлган ишончни йўқотиб қўйишмади.”
“Биз ўз учрашувларимизни сунъий қопламали майдонда ўтказаётганлигимиз учун кўпроқ тўп билан муомалада бўлишларини истардик. Бугунги учрашувда майдоннинг ҳолати бизга қийинчиликни келтириб чиқарди деб айта оламан. “Локомотив” жамоасига ҳам бу нарса ҳалақит берди деб ўйлайман. “
“Бизни жамоа бошланадиган биринчи лига баҳсларига тайёр деб ўйлайман. Кубок баҳсларидаги ўйинлар бизни тайёргарлигимизга ёрдам бериб юборди.”
