Биласиз, ФИФА кунлари сабаб миллий чемпионатларда қисқа муддатли танаффус эълон қилинганди. Натижада кўплаб жамоалар ушбу танаффусдан унумли фойдаланиш мақсадида синов-назорат учрашувлари ўтказишмоқда.
Ўзбекистон терма жамоаси ярим ҳимоячиси Шоҳруҳ Гадоев фаолият юритаётган Баҳрайннинг “Муҳаррақ” клуби ҳам кеча “Баҳрайн СК” клубига қарши баҳс юритди. Юқори дивизион вакили саналган “Муҳаррақ”нинг устун экани яққол билинган ўйинда Баҳрайннинг амалдаги чемпиони йирик 7:0 ҳисобида зафар қучди. Ҳамюртимиз ўйиннинг илк дақиқаларидан бошлаб майдонда ҳаракат қилди.
Таъкидлаб ўтамиз, энди “Муҳаррақ” навбатдаги ўйинини 4 апрель куни “Ал Аҳли”га қарши ўтказади. Мазкур ўйин Баҳрайн Премьер Лигаси 9-тур учрашувлари доирасида бўлиб ўтади.
