«Барселона» бош мураббийи Луис Энрике жамоанинг навбатдаги машғулотидан аввал Испания чемпионати 31-турида «Реал»дан учралган мағлубият сабабларини муҳокама қилди, деб хабар беради «Чемпионат».

Каталонияликлар ўз майдонида 1:2 ҳисобида мағлубиятга учради. Футболчи ва мураббийлар мағлубиятнинг бир қанча сабабларини кўрди. Хусусан, каталонияликлар ўйиндан олдин «Реал»дан 10 очколик устунлиги ўйин натижасига таъсир ўтказганини инкор этмаяпти. Бундан ташқари, «Барселона» футболчилари Европа Чемпионлар Лигаси чорак финалида «Атлетико»га қарши ўйин яқин бўлганини эсда тутган. Шунингдек, «Барселона» футболчилари ушбу ўйинда позицион хатоларга йўл қўйиб, «Реал»нинг хавфли қарши ҳужумлар яратишига замин яратганини тан олди.

Маълумот учун, «Барселона» ва «Атлетико» ўртасидаги ЕЧЛ чорак финалининг дастлабки ўйини 5 апрель, сешанба куни 23:45 да бошланади. Жавоб ўйини 13 апрель, чоршанба куни бўлиб ўтади.