«Атлетико» ҳужумчиси Фернандо Торрес ЕЧЛнинг чорак финалида «Барселона»га қарши кечган учрашувдаги 1:2 ҳисобидаги мағлубият учун жавобгарликни ўз зиммасига олди.
«Мағлубият учун айбни зиммамга оламан. Лекин бизга ҳозир ҳамишагидан ҳам кўпроқ қўллаб-қувватлов керак.
Барчани «Висенте Кальдерон»да ўтадиган жавоб учрашувига чорлайман! Олға, «Атлетико»!» — дея ёзади Торрес ўз твиттерида.
Эслатиб ўтамиз, ҳужумчи ўйиннинг 25 дақиқасида жамоасини олдинга олиб чиққанидан кейин 9 дақиқа ўтиб қизил карточка олди ва майдонни эрта тарк этди. Шундан сўнг, иккинчи таймда мадридликлар 2та гол ўтказиб юборишди.
