"Барселона" ҳужумчиси Лионель Месси "Реал Сосьедад"га қарши учрашувда (0:1) дарвозани ишғол қила олмади ва голсиз сериясини тўрт ўйинга етказди.

Аргентиналик 28 ёшли ҳужумчи каталонияликлар сафида 362 дақиқадан буён гол ура олмаяпти. Бу унинг 2011 йилдан кейинги энг ёмон кўрсаткичи. Ўша йили Месси апрель ойидан май ойигача 417 дақиқа мобайнида гол ура олмаган эди.

Мессининг навбатдаги голи унинг фаолиятидаги 500-голи бўлади. Ҳужумчи аввалроқ "Вильярреал", "Реал" ва "Атлетико" дарвозаларини ишғол қила олмаган эди. Месси охирги марта март ойида "Арсенал"га гол урган.