Олий лига бешинчи тур учрашувлари 15 —17 апрель кунлари ўтказилади.
Мазкур тур баҳсларини «Локомотив» (Тошкент) – «Машъал» (Муборак), «Қизилқум» (Навоий) – «Пахтакор» (Тошкент), «Насаф» (Қарши) – «Қўқон-1912» (Қўқон) жуфтликлари бошлаб беради.
16 апрель куни эса қолган бешта ўйин ўтказилади. Унда «Металлург» (Бекобод) – «Обод» (Тошкент), «Бунёдкор» (Тошкент) – «Олмалиқ» (Олмалиқ), «Навбаҳор» (Наманган) – «Шўртан» (Ғузор), «Нефтчи» (Фарғона) – «Сўғдиёна» (Жиззах) жамоалари ўзаро куч синашади.
Эртаси куни бўладиган «Бухоро» (Бухоро) – «Андижон» (Андижон) жуфтлиги учрашуви билан бешинчи тур якунланади.
Ўзбекистон Профессионал футбол лигаси Ҳакамлар қўмитаси қарорига кўра, Навоийда бўладиган марказий — «Қизилқум» – «Пахтакор» жамоалари ўйинини тошкентлик Бахтиёр Намозов бошқариб боради.
Унга лайнсменлар Тимур Галеев ҳамда Акбар Пўлатов (иккиси ҳам — Тошкент)лар кўмаклашади.
Ёшлар лигаси учрашуви бош ҳаками ва асосий таркиблар ўйини захира ҳаками этиб, қаршилик Равшан Абдувоҳидов тайинланган.
Учрашувларни шаҳрисабзлик Шамиль Жумаев назорат қилиб боради.
Эслатиб ўтамиз, ёшлар лигаси доирасидаги «Қизилқум» – «Пахтакор» учрашуви 14 апрель куни соат 15.00 да Навоийдаги «Кимёгар» стадионида бошланади. Асосий таркиблар баҳси эса 15 апрель куни соат 18.00 да Умид қўрғонидаги «Ёшлар» спорт мажмуасида старт олади.
