Қатар Юлдузлар Лигасида 26-тур учрашувлари старт олди.
Бугун Юлдузлар Лигасида бир қатор қизиқарли ўйинлар ўтказилди. Улардан бирида Ўзбекистон миллий терма жамоаси ярим ҳимоячиси Санжар Турсунов тўп сураётган “Умм Салал” клуби “Ал Харайтият” жамоаси меҳмони бўлди. Мазкур матчда “Салал” 2:3 ҳисобида имкониятни бой бериб қўйди. Ҳамюртимиз учрашувни бошланғич таркибда бошлади ва 88 дақиқа майдонда ҳаракат қилди.
Яна бир ўзбекистонлик футболчи Сардор Рашидов фаолият олиб бораётган “Ал Жаиш” жамоаси эса ўзининг мусобақа жадвалида асосий рақобатчиларидан бири “Ал Садд” меҳмони бўлди.
Ушбу учрашувда 2:2 ҳисоби қайд этилди. Ҳамюртимиз Сардор Рашидов ҳам илк дақиқаларданоқ майдонда ҳаракат қилди. У жами 73 дақиқа ўйнади, сўнг захирага олинди.
