ОЧЛ гуруҳ босқичининг "Д" гуруҳида "Насаф" - "Ал-Айн" учрашувида 1:1 ҳисобида дуранг қайд этилди.

Ўйиндан кейинги матбуот анжуманида дастлаб меҳмонлар бош мураббийи Златко Далич ва энг яхши футболчи Умар Абдулраҳмон иштирок этишди.

Златко Далич: Қийин ўйин бўлди. Илк ҳужумданоқ гол ўтказдик. Жамоа характер кўрсатди, ўзига келиб олди. Бизда яна гол уриш учун имкониятлар булди улардан фойдалана олмадик. Бу натижага таъсир қилди. Иккинчи бўлимда асосан тўпни назорат қилишга эътибор қаратдик. Бугунги дуранг кейинги босқичга чиқиш имкониятини сақлаб қолди. Биз ҳар доим ютишни хоҳлаймиз. Аммо биринчи дақиқадаги гол режаларимизни ўзгартириб юборди. Бундай шароитда, мухлислар қўллаб қувватлаши остида ўйинга қайтиш осонмас. Биринчи бўлимда 3:1 ҳисобида олдинга чиқиб олишмиз мумкин эди. Лекин имкониятлардан фойдалана олмадик. "Насаф" жуда яхши жамоа. Улар қарши ҳужумларда жуда хавфли. Жамоа сардори етакчи эканлигини кўрсатди.

Умар Абдулраҳмон: Биз уч очко олиш учун келгандик. Шунда кейинги босқчи масаласини ҳал этардик. Афсуски биринчи гол ўтказиб юбордик. Шунга қарамай жамоа ўйинга қайта олди. Биз ўз ўйинимизни намойиш эта олдик.