Мадриднинг «Атлетико» клуби бош мураббийи Диего Симеоне Европа чемпионлар лигасининг 1/2 финалидан ўрин олган «Бавария»га қарши учрашув олдидан ўз фикрлари билан ўртоқлашди.
«Биз тайёрмиз. Биз таваккал қилишни истаймиз. Биз ҳаракат қиламиз.
«Бавария»да яхши футболчилар жуда кўп. Ҳужумда ҳам уларга вариантлар кўпроқ. Аммо жангларда аскари кўп бўлганлар эмас, улардан яхши фойдаланганлар ғалаба қозонади.
Финалга йўлланма олишимиз учун нафақат яхши ҳимояланишимиз, балки гол ҳам уришимиз керак бўлади. Биз «Бавария»га қарши учрашувда бу ишни амалга оширишга ҳаракат қилиб кўрамиз», – дея таъкидлаган Симеоне.
