Мадриднинг “Реал” клуби ҳужумчиси Хесе Родригес жароҳати туфайли “Реал Сосьедад”га қарши Испания чемпионати 36-тур учрашувни ўтказиб юбориши мумкин. Бу ҳақда Sport.es хабар бермоқда.
Манбанинг маълум қилишича, испаниялик ёш форвард “Манчестер Сити”га қарши (0:0) ЕЧЛ ярим финал дастлабки ўйинида жароҳат олди ва бўлажак ўйинларда мадридликларга ёрдам бера олмаслиги айтилмоқда.
Шунингдек, Карим Бензема ҳам “Манчестер Сити” билан ўйинда жароҳат олиб, танаффус вақтида захирага олинганди. Унинг навбатдаги турда майдонга тушиши сўроқ остида турибди.
Аввалроқ эса Криштиану Роналду “Вильярреал”га (3:0) қарши учрашувда жароҳат олганди. Шунинг учун португалиялик юлдуз “Райо Вальекано” ва “Манчестер Сити”га қарши ўйинларни ўтказиб юборди.