Олий лига. 7-тур. 28 апрель. 
“ЛОКОМОТИВ” – “ОЛМАЛИҚ”
“Локомотив” стадиони. 17:00

Ҳакамлар: Р. Эрматов (Тошкент), А. Расулов (Тошкент), Ж.Саидов (Тошкент), Ф. Норсафаров (Қарши)
Назоратчи: Р. Серазетдинов (Тошкент).
ПФЛ вакили: Ф.Магометов.

“Локомотив“ ва “Олмалиқ” шу кунга қадар ўзаро 14 марта куч синашишган. Натижалар “Локомотив”нинг устунлигини кўрсатмоқда. “Олмалиқ” 3та ўйинда ютган, “Локомотив” ҳисобида эса 8та ғалаба бор. Яна учта ўйин дуранг билан тугаган. Тўплар нисбатида ҳам тошкентликлар устун: 25-18. Ўзаро ўйинларда “Локомотив” 27, “Олмалиқ” эса 12 очкони қўлга киритган.

“Олмалиқ”нинг “Локо” устидан қозонган энг йирик ғалабаси – 4:0. Ўз навбатида “темирйўлчилар”нинг “Олмалиқ” устидан қозонган энг йирик ғалабаси – 3:0ни ташкил этади.

Ўтган йил биринчи даврада Олмалиқда ўтган баҳсда дуранг қайд этилган. Ўйинда ҳисобни Жаҳонгир Абдумўминов очган. Бунга Санжар Шоаҳмедов жавоб берган. Шавкат Саломов яна “Олмалиқ”ни олдинга олиб чиққанди. Учрашув сўнггида Лутфулла Тўраев якуний ҳисобни ўрнатганди – 2:2.
Иккинчи даврада “Локомотив” йирик ҳисобда зафар қучганди. “Темирйўлчилар” сафида Мўйдин Мамазулумов, Олег Зотеев, Тимур Кападзе ва Марат Бикмаев тўп киритишган. “Олмалиқ”дан эса Неманья Йованович гол урган – 4:1.

Тошкентда ўтган сўнгги беш учрашув: 
30.09.2015 «Локомотив» – «Олмалиқ» 4:1
01.06.2014 «Локомотив» – «Олмалиқ» 3:0
28.06.2013 «Локомотив» – «Олмалиқ» 1:0
17.08.2012 «Локомотив» – «Олмалиқ» 4:2
08.05.2010 «Локомотив» – «Олмалиқ» 0:0

Ўзаро ўйинлар ҳақида факт: “Локомотив” клуби шу кунгача олий лигада ўз майдонида олти марта “Олмалиқ”ни мағлуб этди. Битта ўйинда дуранг қайд этилган. “Олмалиқ” ўз тарихида “темирйўлчилар” майдонида умуман ғалабага эриша олмаган.