Ҳар бир мамлакат футболида “куйловчи” номини олган стадион бўлади. Мисол учун, Англияда “Энфильд Роуд”, Германияда “Синнал Идуна Парк”. Испанияда эса “Сантьяго Бернабеу” мана шундай мақомдаги стадиондир. Бу аренада “Реал” Мадрид клуби уй учрашувларини ўтказишини кўпгина футбол мухлислари яхши билишади. 2011 йил Европа Чемпионлар лигаси гуруҳ босқичи доирасидан ўрин олган Загребнинг “Динамоси”га қарши ўйин арена тарихида ўтказилган 1500 учрашув бўлганди.
Стадион Мадрид клубига борлиғини баҳшида этган инсон шарафига номланган. “Реал” ўйини бўлмаган куни стадионни томоша қилиш истагида бўлган мухлислар 16 евронинг баҳридан кечишига тўғри келади. Гарчи “Реал” мухлиси бўлмаса ҳам футбол фанатлари бу иншоотни ичкаридан кўришни орзу қилади. Оддий ўйинларда ҳам томоша қилиш истигидаги мухлислар энг арзон трибуна учун тахминан 60-80 евро миқдорда пул тўлашади.
Стадион бўйлаб экскурция ҳар куни бор. Экскурцияси футбол ишқибози бўлмаса ҳам у иншоот қурилишига хангу-манг бўлган архитектор бўлиши мумкин. 16 евро эвазига сизда стадион ичида мураббий, ҳакамлар ишлайдиган жойларда бўлиш имконияти бор. Музейда кўп жамоалар қатори “қаймоқранглилар”нинг шонли тарихидан ташқари бошдан ўтказган “қора кунлари”ни эслатувчи хотиралар бор. Музей ичкирисида номи қайд этиладиган ҳар қандай футболчини ҳурмат билан тилга олишади. Музей ичкарисида истаган футболчингиз билан бирга суратга тушишингиз мумкин: Зидан, Роналдо, Рауль, Бекхам. Тўғри, ҳақиқийси билан эмас, голограммаси билан. Лекин сурат жуда ҳам ажойиб чиқади. Стадион ичида 2 қаватли дўкон ҳам бўлиб, унда сиз сотилаётган нарсаларга маҳлиё бўлганча, кун қандай ўтиб кетганини сезмай ҳам қоласиз. Тўплар, шарф, бутса, байроқ ва клубнинг турли атрибутлари, хуллас ҳақиқий фанатларни қизиқтира оладиган нарсалар шу ерда сотилади. Ҳатто 2 ойли чақалоққа ҳам “Реал” Мадрид рамзи туширилган кийим топа оласиз.
