«Ливерпуль» клуби бош мураббийи Юрген Клопп Европа Лигаси доирасида “Вильярреал” клубига қарши бўладиган учрашув ҳақидаги фикрлари билан ўртоқлашди.

«Агар максимал даражадаги ўйинимизни намойиш эта олсак, у ҳолда финалга йўл оламиз. “Ливерпуль”да футболчилар ўзининг ижобий натижалари билан ҳамма ҳайрон қолдира олишларини кўрсатишди. Биз тайёрмиз! Клубга октябрда келиб қилган ишим — жамоа мана шундай ўйинларга тайёр бўлиши устида ишладик.

Бизга сафарда мағлуб бўлганимиз босим ўтказмаяпти. Биз нима қилаётган бўлсак, барчасини ўзимиз учун қиляпмиз. Тушунаман, бизга қийин бўлади, бироқ, мен таваккалчиликка қўл уришни яхши кўрадиган инсонман. Шунинг учун синаб кўрамиз», — деди Клопп УЕФА сайтига берган интервьюсида.