9 май куни “Қўқон-1912” жамоаси 8-тур учрашувини ўтказади. Душанба куни жамоамиз “Марказий” ўйингоҳда Тошкентнинг “Бунёдкор” клубига қарши майдонга тушади.
Қуйида ушбу ўйинга оид қизиқарли маълумотларни ҳукмингизга ҳавола этамиз.
Ўзаро ўйинлар
“Қўқон-1912” ва “Бунёдкор” клублари ҳозирга қадар Олий лигада 2 марта тўқнаш келишган. Ҳар икки ўйинда “Қалдирғочлар” ғалаба қозонишган. Тўплар нисбати – 6:0, “Бунёдкор” фойдасига.
Факт: Жамоамиз иккинчи марта “Бунёдкор” билан ўз майдонида тўп сурмоқда. Ўтган йили Қўқондаги “Марказий” ўйингоҳда бўлиб ўтган учрашувда “Бунёдкор” 1:0 ҳисобида ғалаба қозонган.
Учрашув ҳакамлари
9 май куни Қўқондаги “Марказий” ўйингоҳда бўлиб ўтадиган “Қўқон-1912” – “Бунёдкор” учрашувини Осиёнинг беш карра энг яхши ҳаками, ФИФА рефериси Равшан Эрматов бошчилигидаги ҳакамлар бошқариб боришади.
Ўйин назоратчиси А. Клепиков (Тошкент).
Олий лига
8-тур
«Қўқон-1912» (Қўқон) – «Бунёдкор» (Тошкент)
Ҳакамлар: Р. Эрматов (Тошкент), А. Расулов (Тошкент), Ж. Саидов (Тошкент), А. Шукуруллаев (Тошкент)
Назоратчи: А. Клепиков (Тошкент).
Ўз ПФЛ вакили: Р. Черников.
Бошланиш вақтлари
Ўйин 9 май, душанба куни Қўқондаги “Марказий” стадионида соат 17:00да бошланади. 8 май куни эса бу жамоаларнинг ўринбосарлари ўртасидаги баҳс бўлиб ўтади. Ўйин соат 16:00да бошланиши режалаштирилган.
Ҳар икки учрашувда жамоамизга омад тилаб қоламиз.
