«Вердер», «Бавария» клублари ва Германия терма жамоаси собиқ ярим ҳимоячиси Марио Баслер 31 ёшли «МЮ» аъзоси Бастиан Швайнштайгер ва 30 ёшли «Галатасарай» ҳужумчиси Лукаш Подольскиларни Германия терма жамоаси билан Европа Чемпионатида қатнашишларига қаршилигини айтиб ўтди.
«Мен Швайнштайгерни Европа чемпионатига олмаган бўлардим, унинг ёши 25 ёки 28 эмас, у қария футболчи ҳисобланади. Унинг мавсум мобайнида жуда кўплаб жароҳат олди, бас, шундай экан, у Европа чемпионатида ўйнамаслиги керак. Бу гаплар Подольскига ҳам тегишли, бизда ҳужумда ундан ёш ва ундан тажрибалироқ футболчилар етарли. Агар Дракслер тайёр бўлса, Подольски қайдномадан жой ололмаса керак», — деди Баслер Rheinischen Post билан интервью чоғида.
