Бугун Олий Лига 9-тур учрашувларига старт берилади.

Мазкур турнинг энг марказий учрашуви Тошкентда айни дамда пешқадам бўлиб турган "Локомотив" ҳамда "Пахтакор" клублари ўртасидаги бўлиб ўтади.

Мазкур чемпионатни кўтарингки руҳда бошлаган ҳамда 8та турдан сўнг пешқадам бўлиб турган "Локомотив" ҳамда амалдаги чемпион ҳисобланган "Пахтакор" клублари ўртасидаги учрашув Тошкентдаги "Локомотив" стадионида бўлиб ўтади. Учрашувнинг бошланиш вақти соат 17:00га белгиланган.

Турнинг яна бир қизиқарли учрашув Бекободда "Металлург" ҳамда "Насаф" клублари ўртасида бўлиб ўтиши кутилмоқда. Чемпионат пешқадами билан бир хил очко тўплаган ва айни дамда учинчи ўринда бораётган "Насаф" чемпионат стартини юқори суратда ўтказаётган ҳамда ҳозирда 4-ўринда бораётган "Металлург" клуби меҳмони бўлади. Таъкидлаш жоиз, "Металлург" клуби ушбу мавсумда ўз майдонидаги учрашувларда ҳали мағлубиятга учрамаган жамоалардан бири бўлиб турибди.

Турнир жадвалида иккинчи ўринда бораётган Тошкентнинг "Бунёдкор" клуби эса, ўз майдонида "Бухоро"ни қабул қилади.

Таъкидлаш жоиз, 8-тур учрашувларидан сўнг "Металлург" ҳужумчиси Зоҳид Абдуллаев ҳамда "Пахтакор" ҳужумчиси Игорь Сергеев тўпурарлар пойгасида пешқадамлик қилишмоқда. Ҳар иккала ҳужумчининг ҳисобида 7тадан гол бор.

Олий Лига 9-тур:

12 май.

“Локомотив” – “Пахтакор”

14 май.

“Нефтчи” – “Обод”

“Навбаҳор” – “Қўқон-1912”

“Машъал” – “Шўртан”

“Сўғдиёна” – “Олмалиқ”

“Бунёдкор” – “Бухоро”

“Қизилқум” – “Андижон”

16 май.

“Металлург” – “Насаф”