Ўзингизга маълум, Жасур Абдураимов бошчилигидаги U-19 Ўзбекистон ёшлар терма жамоаси сафига бир неча асосий таркиб ўйинчиларимиз жалб этилган эди.
Улар 5-11 май кунлари Беларусь мамлакатида иккита ўртоқлик учрашуви ўтказишди.
Мазкур терма жамоа сафида бўлишган Бобур Абдухолиқов, Азиз Ғаниев, Шароф Муҳитдинов ва ўринбосарларимиз таркибидан Умид Эргашев, Достонбек Бердиқуловлар бугундан клубимиз ихтиёрига келиб қўшилишди ва машғулотларни бошлашди.
“Насаф” жамоаси ўз қароргоҳида навбатдаги тур учрашувига қизғин тайёргарлик олиб бормоқда. Шуниси қувонарлики, тажрибали ярим ҳимоячимиз Фаррух Сайфиев ҳам умумжамоа машғулотларида қатнашмоқда. У ҳам энди майдонга тушиши мумкин.
Эслатиб ўтамиз, “Насаф” навбатдаги 9-тур учрашувини сафарда Бекободнинг “Меатллург” жамоасига қарши ўтказади. Учрашув 16 май душанба куни бўлиб ўтади.
