Англиялик таниқли мутахассис Ҳарри Реднапп Ўзбекистон миллий терма жамоаси мураббийлар штабига қўшилиши мумкин.
Мазкур инсайдерлик ахборотини Sports.ru сайтидаги «Узбекская кухня» блоги муаллифи Евдоким Раимов ўз манбаларига асосланиб Twitter’даги саҳифасида маълум қилди.
«Манбаларим берган ахборотга кўра, Ҳарри Реднапп Ўзбекистон млилий терма жамоаси маслаҳатчи-мураббийига айланиши мумкин», — деб ёзади Евдоким Раимов.
Ҳарри Реднапп 2016 йилнинг баҳорида икки ўйин учун Иордания миллий терма жамоаси бош мураббийи сифатида фаолият олиб борди.
2016 йилнинг 29 апрель куни у Австралиянинг «Сентрал Кост Маринерс» клубига маслаҳатчи сифатида қўшилгани ҳақида хабарлар берилган эди.
Маълумот учун, ҳозирги вақтда Ўзбекистон миллий терма жамоаси мураббийлар штабида бир хорижлик мутахассис — Деян Журжевич бор.
