Нейтрал ҳудуддаги “футбол жанги”
Барчага нейтрал давлат сифати танилган Швецариянинг Базель шаҳрида бугун Европанинг икки кучли жамоалари яшил майдонда “жанг қилишади”. Улардан бири Европанинг жанубий қисмида жойлашган Андалусиянинг “Севилья” клуби бўлса, иккинчиси “Кўҳна қитъа”нинг шимолидан келадиган “Ливерпуль”дир. Кўпчилик футбол мухлисларига аён ҳар икки мамлакат чемпионатида ҳам жамоалар Еврокубокларга йўлланма берувчи ўриндан мосуво бўлишган. Ғолиб жамоа келаси мавсумни Европа чемпионлар лигасининг гуруҳ босқичидан иштирок этса, мағлуби Еврокубокларсиз қолади. Шу ўринда, Унай Эмери ушбу турнирда мураббий сифатида уч бор ғолиб бўлган иккинчи инсон инсон бўлмоқчи. Бундай бахчтга биринчи бўлиб Жованни Трапаттони сазовор бўлган. Эътиборингизга жамоаларнинг мусобақа давомида қайд этиб келган айрим статистик маълумотларни тақдим этамиз:
| Ливерпуль | VS | Севилья |
| 18 | Голлар | 14 |
| 235 | Зарбалар | 102 |
| 87 | Аниқ зарбалар | 38 |
| 99 | Бучрак тўплари | 49 |
| 31 | Оффсайд | 21 |
| 21 | Сариқ каточка | 19 |
| – | Қизил карточка | 1 |
| 186 | Фоллар | 106 |
| 6642 | Тўп узатишлар | 3668 |
| 5891 (88,7%) | Аниқ узатмалар | 3143 (85,6%) |
Базелга йўл
Ҳар икки жамоа финалгача ўта мураккаб довонданлардан ошиб келди. “Ливерпуль” Европа лигасининг “В” гуруҳидан ўз иштирокини бошлади. Гуруҳ босқичида Швейцариянинг “Сьон”, Россиянинг “Рубин” ҳамда Франциянинг “Бордо” жамоалари орасида 2 ғалаба ва 4 дуранг билан биринчи ўринни эгаллади. Плей-офф босқичларида эса дастлаб “Аугрбург”ни кейин иккигранд жамоалар “Манчестер Юнайтед” ва “Борусси Дортмунд”ни, ярим финалда “Вильярреал”ни мардонавор мағлуб этди. “Севилья” турнирнинг амалдаги ғолиби. Бугун ушбу титулни ҳимоя қилиши керак улар. Айнан шу мақсад билан бу жамоа Европа чемпионлар лигасининг гуруҳ босқичида 3-ўринни эгаллаб, бу турнирга йўл олди. Яна бир қизиқ жиҳати андалусияликлар финал бўлиб ўтадиган стадионда 1/8 финалда ўйнаб бўлишган. Финалгача Норвегиянинг “Мольде”, Швейцариянинг “Базель”, Бильбаонинг “Атлетик” ҳамда Украинанинг “Шахтёр”ини доғда қолдирди.
Кадрлар бўлимига мурожаат
Учрашув олдидан ҳар икки бош мураббий кадрлар масаласи билан кичик муаммоларга дуч келган. Юрген Клопп бугун Жордан Росситер, Жозеф Гомес ва Сакхо ёрдамидан фойдалана олмайди. Оригининг майдонга тушиш-мушмаслиги сўроқ остида. Унай Эмери шогирдларини ҳам жароҳатлар четлаб ўтган эмас. Тиззасидаги жароҳати сабаб Микаэль Крон-Дели ҳамда Бенуа Тремулинас томошабин сифатида учрашувни кузатишади. Тахминий таркиблар: “Ливерпуль”: Миньоле, Клайн, Ловрен, Туре, Морено, Лаллана, Жан, Милнер, Фирминьо, Старриж, Коутиньо. “Севилья”: Давид Сория, Мариано, Рами, Карричо, Эскудеро, Криховяк, Нзонзи, Коке, Банега, Витоло, Гамейро. Бугунги учрашув қандай ҳисобда якунланишидан қатъи назар сиз-у биз ажойиб ўйин гувоҳи бўламиз. Учрашувни SPORTS.uz сайти матнли онлайн трансляция тарзида олиб боради, биз билан қолинг.
