«Ливерпуль»га қарши Европа Лигаси финал учрашувидаги «Севилья»нинг 3:1 ҳисобидаги ғалабаси сабаб УЕФА Кубоги / Европа Лигасидаги совринлар сони бўйича Испания ҳақиқий биринчи ўринга чиқиб олди.
Бугунги кунгача аҳамияти жиҳатдан иккинчи ўринда турувчи еврокубокда ғалаба қозониш бўйича Испания ва Италия жамоалари бир хил натижа кўрсатиб, тўққиз мартадан ғолиб чиққан эди.
Энди эса Испания совринлар сонини 10 тага етказиб, биринчи ўринга кўтарилиб олди.
Маълумот учун, «Севилья» УЕФА Кубоги / Европа Лигаси тарихида кетма-кет учинчи марта ғалаба қозонган тарихдаги илк жамоага айланди.
