«Астон Вилла» матбуот хизмати клуб эгалари ўзгаргани ҳақида хабар берди.
Бирмингем клубини 2006 йили 62,2 милилон фунт эвазига сотиб олган Рэнди Лернер «Астон Вилла»ни Хитойнинг Recon Group компаниясига сотиб юборди.
Аввалроқ хитойликлар клуб учун 60 миллион фунт тўлаши ҳақида хабар берилган эди.
Қайд этиш керак, Recon Group холдинги хитойлик бизнесмен Тони Сяга тегишли. У Хитой ва Гонгконгдаги бешта очиқ компания акциялари назорат пакетига, шунингдек, жаҳоннинг 75 мамлакатидаги хусусий корхоналарга эгалик қилади.
Эслатиб ўтамиз, 2015/2016 йилги мавсум якунига кўра, «Астон Вилла» 20-ўринни эгаллаб, Англия Премьер-лигаси тарихида илк бор қуйи дивизионга тушиб кетди.
