Куни кеча Биринчи лига жамоалари 10-тур учрашувларини ўтказишди. Андижонда “УзДонгЖу” жамоаси Ғиждувоннинг “Ғиждувон” жамоасини қабул қилди ва йирик ҳисобда ғалаба қозондилар. Учрашувдан сўнг “УзДонгЖу” жамоа бош мураббийи Абдурашид Исмоиловни сухбатга тортдик ва ўйин ҳақидаги фикрларини ўртоқлашди:
- Ўтган турдаги мағлубиятдан кейин шогирдларимда рухан пастга тушганликлари кўриниб турганди. Хали хеч нима йўқотилмаганлигини, яна олдинга дадил қадам ташлаш кераклигини хар бир шогирдимизга уқтириб чиқдик. Бугунги ўйинга жиддий тайёргарлик олиб бордик. Ўйинчиларимизнинг бугунги кўрсатган ўйинлари эвазига йирик ҳисобда ғалабага эришдик деб ўйлайман. Авваламбор бизни стадионга келиб қўллаб-қувватлаб турган муҳлисларимизга ўз миннатдорчилигимни билдираман. Бугунги ғалабани уларга бағишлайман – дейди Исмоилов.
