"Машъал" навбатдаги учрашувини Ўзбекистон Кубоги 1/8 финал жавоб ўйинида ўтказади. Бу ўйин Жиззахда "Соғдиёна" клубига қарши бўлиб ўтади. Даврон Файзиев жамоаси билан бўладиган учрашув 21 май кунига белгиланган. Бу ўйинга Александр Хомяков шогирдларини жиддий тайёрламоқда. Бугундан жамоа машғулотларга киришди.
Клуб расмий сайтининг хабар беришича, ҳозирда жароҳатдан сўнг сафга қайтган ҳимоячи Ғиёсжон Комилов ҳам умумий гуруҳга қайтди. Комилов "Сўғдиёна" билан чемпионат учрашувида жароҳат олиб сафдан чиққан эди ва айнан шу жамоага қарши кубок баҳсида энди майдонга тушиши мумкин.
Эслатиб ўтамиз, Ўзбекистон Кубогининг Муборакдаги 1/8 финал биринчи учрашувида 1:1 ҳисобида дуранг қайд этилган эди. Жавоб ўйини энди 21 май куни Жиззахдаги "Сўғдиёна" ўйингоҳида 19:00 да старт олади.
