Тошкентнинг “Локомотив” футбол клуби кеча бўлиб ўтган “Ал-Ҳилол”га қарши Осиё чемпионлар лигаси нимчорак финали жавоб учрашувидаги ғалабаси, юртимиз футбол ишқибозлари қатори бизни ҳам қувонтирди.
Улар мамлакатимиз футбол ишқибозларининг бир неча йиллик орзуларини рўёбга чиқаришди. Энди улар ОЧЛнинг чорак финалида юртимиз шаънини ҳимоя қилишади. Ишонамизки, ОЧЛда “Локомотив” клубининг бу ғалабалик юришлари узоқ давом этади.
“Насаф” ПФК раҳбарияти ва жамоаси номидан “Локомотив” клубининг бундай муваффақияти билан самимий муборакбод этамиз. Клуб раҳбариятига ва барча футболчиларга навбатдаги учрашувларда ҳам ғалаба қозониб, мамлакатимиз футболи обрўсини янада юксак даражага кўтаришида омадлар тилаб тилаймиз.
“Насаф” ПФК жамоаси
