31 май куни Тошкент шаҳридаги "Ўзбекистон" спорт мажмуасида ажойиб футбол шоуси бўлиб ўтади.

Ўзбекистонда хизмат кўрсатган спортчи, миллий терма жамоа таркибида Осиё ўйинлари ғолиблигини қўлга киритган ўтмишнинг машҳур футболчиси, Ўзбекистон чемпиони Азамат Абдураимовнинг 50 ёшга тўлиши муносабати билан унинг дўстларидан ташкил топган жамоа ўзбекистонлик ФИФА ҳаками Равшан Эрматов жамоасига қарши шоу учрашувини ўтказади.

Бу ўйинда Азамат Абдураимов жамоасида қуйидаги инсонлар тўп тепишади:

Дарвозабонлар: Алексей Рошин («Пахтакор»), Нодирхўжа Юлдашев (“Чемпионат.азия” сайти), Тимур Крюк (“Бунёдкор” фахрийси)
Ўйинчилар: Улуғбек Рўзимов, Февзи Давлетов, Илҳом Шарипов, Асад Дўрмонов, Миржалол Қосимов, Азамат Абдураимов, Игорь Шквирин, Рустам Дўрмонов, Шуҳрат Мақсудов (12-Осиё ўйинлари ғолиблари), Мурод Алиев (“Пахтакор”), Акбар Атамуҳамедов ( "САДО" гуруҳи), Борис Гафуров("Илҳом" театри), Ренат Закиров.
Мураббийлар: Биродпар Абдураимов ва Рустам Акрамов
Шифокор: Анатолий Туриков
Махсус таклиф этилган футболчи: Муҳсин Мухамадиев

Равшан Эрматов жамоасининг таркиби бир оз кейинроқ эълон қилинади. Тадбирнинг махсус меҳмони эстрадамизнинг таниқли юлдузи — Муниса Ризаева.

Футбол шоудан олдин болалар ўртасида "Чемионлар кубоги" деб номланган хайрия турнири ҳам бўлиб ўтади. Барча мухлисларни 31 май куни соат 15:00да "Ўзбекистон" спорт мажмуасига таклиф этиб қоламиз.