“Милан” клуби ҳужумчиси Карлос Бакка фаолиятини “ПСЖ” клубида давом эттириши мумкин, деб хабар бермоқда La Gazzetta dello Sport.
Яқин вақт ичида “ПСЖ”да иш бошлаши кутилаётган Унаи Эмери 29 ёшли ҳужумчининг хизматларига қизиқиш билдирган. Мутахассис Франция клуби раҳбариятига тақдим қилган, трансфер қилиниши лозим бўлган футболчилар рўйхатида Бакка ҳам бор.
Эслатиб ўтамиз, “Милан” клубига ўтишдан олдин Бакка “Севилья” клубида Унаи Эмери билан ишлаган. Футболчи ўтган мавсумда барча мусобақаларда 43 ўйинда майдонга тушиб, 20та гол урган.
