Тошкентнинг «Трактор» жамоаси тарбияланувчиси Вадим Афонин Россия биринчи дивизиони-2015|2016нинг энг яхши ярим ҳимоячиси, деб топилди.
OneDivision.ru портали сўровида 50та анкета натижалари орқали мавсумнинг энг яхши футболчилари аниқланди. «Газовик» клуби билан премьер-лигага йўл олган Вадим Афонин ярим ҳимоячилар орасида 48 балл тўплади ва яқин таъқибчиси - «Шинник» аъзоси Никита Маляров (26 балл)ни анча ортда қолдириб, ўз амплуасида энг яхши бўлди. Ҳамюртимизнинг 15та анкетада 1-ўринга қўйилгани эътиборга молик. Шунингдек, яна биттадан анкетада 2 ва 3-ўринда кўрсатилди. Эслатиш жоиз, Вадим якунланган мавсум «Газовик»нинг 35та ўйинида иштирок этиб, 3та гол урди. У OD порталидан ҳар бир ўйин учун ўртача 4,26 баҳо олди.
