Англия терма жамоаси бош мураббийи Рой Ходжсон Европа чемпионати гуруҳ босқичининг учинчи туридан ўрин олган Словакияга қарши ўйинда Дэниел Старридж ва Жейми Вардини асосий таркибда майдонга тушириши мумкин. Sky Sports'нинг ҳисоблашича, деярли барча кўрсаткичлар бўйича Старридж ва Варди Кейн ва Стерлингдан яхшироқ натижа қайд этишган.
Кейн биринчи ўйинни тўлиқ ўтказди, иккинчи ўйинда ҳам биринчи бўлимда тўлиқ ўйнади, лекин гол ура олмади. Уэльсга қарши ўйинда атиги битта аниқ зарба йўллаган. Варди эса бир тайм ўйнаб гол уришга улгурди.
Старридж эса барча жабҳаларда Стерлингдан устун келди. Бир тайм ўйнаган Дэни Раҳимдан икки баробар кўпроқ тўп узатди ва уч баробар кўпроқ зарба йўллади. Энг асосийси терма жамоасига ғалаба келтирган голга муаллифлик қилди.
