Сўнгги пайтларда Португалия терма жамоасининг ўйини айнан Криштиану Роналду атрофида қурилмоқда. Деярли барча ҳужумлар ёки стандарт вазиятлар Роналдунинг зарбалари билан якунланмоқда.

Исландияга қарши ўйинда, Роналду исталган нуқталардан жарима зарбаларини тепишга уринди, ҳатто 30 метр масофалардан ҳам. Бироқ натижа бўлмади.

Роналду катта мусобақалардаги дебютини Евро-2004да амалга оширди. Шундан буён Португалия терма жамоасида 28 ўйин ўтказди. Бу ўйинларда 34 марта жарима зарбасини амалга оширди. Натижа қандай? Жарима зарбасидан бирорта гол ура олмади!

Криштиану Роналду — 34 марта тепган, 0 та гол
Георге Хажи — 27 марта тепган, 0 та гол.
Мишель Платини — 25 марта тепган, 2 та гол.
Рональд Куман — 22 марта тепган, 0 та гол.
Зинедин Зидан — 21 марта тепган, 2 та гол.
Уэсли Снейдер — 18 марта тепган, 0 та гол.
Франческо Тотти — 18 марта тепган, 0 та гол.
Христо Стоичков — 17 марта тепган, 2 та гол.
Фернандо Йерро — 17 марта тепган, 1 та гол.
Синиша Михайлович — 16 марта тепган, 1 та гол.