Россия футбол иттифоқининг вице-президенти Никита Симонян Францияда рус фанатлари томонидан уюштирилган тартибсизликлар ва УЕФА томонидан Россия терма жамоасини шартли жазолаш қарори ҳақида ўз фикрларини билдирди.
«Жазо қаттиқ, аммо адолатли бўлди. Бизга солинган жаримани безорилардан ундириб олишимиз шарт, акс ҳолда бу воқеалар давом этаверади. Қаттиқ чора қўлламасак, бирор натижага эриша олмаймиз. Безориларнинг бундай ҳатти ҳаракатлари мамлакат обрўсига путур етказади. Натижада ЖЧ-2018 ҳам биздан олиб қўйилиши мумкин.
Мухлисларга мени гапим ёқмаслиги мумкин, аммо ўз жамоасини қўллаб-қувватлашда маданиятли бўлиш керак. Кейинги ўйинларда бу кўнгилсизликлар такрорланмайди деган умиддаман», — деди Симонян «Спорт-экспресс» хабарида.
