Маҳаллий мураббийларимизнинг ишга ёндашувлари жуда ғалати-да. Дейлик, «Андижон» устози Бахтиёр Ашурматов 2 ойдан буён (ҳар бир муваффақиятсиз ўйиндан кейин) истеъфога чиқиши ҳақида гапиради ва кейин фикридан қайтади.
«Сўғдиёна»ни бошқараётган Даврон Файзиев ҳам 1-даврадан кейин кетишини айтибди. Бундай гаплардан нима наф? Истеъфога чиқадиган мураббий буни реклама қилмасдан, ариза бермайди-ми? Гап шундаки, айни пайт мураббийлик мактабимиз оқсамоқда, хусусан, мутахассислар ўртасида рақобат йўқ. Шахсий фикримча, клублар раҳбарлари бундай ҳолатда озгина аччиқ чайнаб бўлсада, хориж, дейлик, Россия ва Украинадан Анатолий Демьяненкога ўхшаган мутахассисларни жалб этишлари керак. Ахир қачонгача ўз ёғимизга қовурилиб юрамиз? Евро-2016 ўйинларига боқинг, кўп нарса мураббийларга боғлиқлиги тўла исботланяпти-ку...
Сирожиддин КОМИЛОВ, Бўз тумани.
