«Сўғдиёна» — «Бухоро» (0:0) учрашувидан сўнг мезбонлар устози Даврон Файзиев ўз фикрларини билдирди.
«Ўйин асабий тарзда кечди. Мухлислардан ўша вазият учун узр сўрайман. Ҳакам сал эътиборлироқ бўлганида бу вазият содир бўлмасди. Мен ўйиндан олдин ҳар бир қарич ер учун курашиш кераклигини айтгандим. «Бухоро»дан учралган ўтган йилги мағлубият ҳамон ёдимда. Шу боис бугун ғалаба учун тушгандик. Имкониятлар тенг бўлди. Ҳисоб ҳам шунга яраша бўлди. Мени ҳужум чизиғи ўйлантирмоқда. Биз ҳужум ташкил этишни 50 фоизга ҳам амалга ошира олмадик. Биринчи давра ўйинлари тобора якунланиб бормоқда. Олдимизда яна иккита қийин ўйин бор.
Истеъфо ҳақидаги фикрим ўзгаргани йўқ. Раҳбарият ҳозирча ҳеч қандай фикр билдиргани йўқ. Барчасини кейинроққа қолдирмоқда. Жамоага янги қон керак деб ўйлаяпман. Ўзим эса бироз дам олишни истаяпман.
Нега қайдномада 3 нафар мураббий ёзилди? Сабаби бизда футболчилар олдида қарздорлигимиз бор. ПФЛ ёрдамчиларимнинг лицензияларини 2-турдан кейин олиб қўйганди. Ҳали ҳам бу масала ўз ечимини топгани йўқ. «, — дейди Файзиев.
%20%D1%83%D1%87%D1%80%D0%B0%D1%88%D1%83%D0%B2%D0%B8%D0%B4%D0%B0%D0%BD%20%D1%81%D1%9E%D0%BD%D0%B3%20%D0%BC%D0%B5%D0%B7%D0%B1%D0%BE%D0%BD%D0%BB%D0%B0%D1%80%20%D1%83%D1%81%D1%82%D0%BE%D0%B7%D0%B8%20%D0%94%D0%B0%D0%B2%D1%80%D0%BE%D0%BD%20%D0%A4%D0%B0%D0%B9%D0%B7%D0%B8%D0%B5%D0%B2%20%D1%9E%D0%B7%20%D1%84%D0%B8%D0%BA%D1%80%D0%BB%D0%B0%D1%80%D0%B8%D0%BD%D0%B8%20%D0%B1%D0%B8%D0%BB%D0%B4%D0%B8%D1%80%D0%B4%D0%B8.&image=%2Fimages%2Fnews%2FDavron_Fayziyev.jpg&noparse=true){kind=link}