Португалиянинг Correio de Manha газетаси Роналдуни кечирганини эълон қилди. Бир неча кун олдин газета мухбири Роналдунинг олдига келиб, савол бермоқчи бўлганида, футболчи унинг қўлидан микрофонни тортиб олиб, кўлга улоқтирган эди.
Хабарларга кўра, газетада Роналдунинг шахсий ҳаётига тааллуқли маълумотлар чоп этиб турилиши сабабли, футболчи газета мухбирларига интервью беришдан воз кечган. Бир неча йил олдин эса газетани судга бериб, ютиб чиққан эди. Шундан буён газета билан Роналду ўртасидаги муносабатлар кескинлашганди.
Роналду Венгрияга (3:3) қарши ўйинда дубль қайд этгач, газета “Криштиану сени кечирдик, лекин барибир бизга микрофон қарздорсан” деган муқова билан чиқди.
