Бугун, олий лиганинг 15-туридан ўрин олган учрашувлардан бири Ғузорда “Шўртан” ҳамда “Бухоро” жамоалари ўртасида  бўлиб ўтади. Анъанамизга кўра, ушбу учрашув олдидан футболчиларимизнинг ўйин олди фикрлари билан қизиқиб кўрамиз. Бугунги суҳбатдошимиз, жамоамизнинг марказий яримҳимоячиси – Элдор Бойматов.

Авваламбор ўтган турда “Қўқон-1912” жамоаси билан кечган учрашувда муҳлисларимизни ранжитиб қўйганимиз учун ўзим ва жамоадошларим номидан узр сўрайман. Бугунги ўйинга тўхталадиган бўлсам, шуни аниқ айтишим мумкинки “Бухоро” чемпионатимизнинг кучли жамоалардан бири ва бу рақибга қарши курашиш осон бўлмайди. Чемпионатни муваффақиятли бошлай олмаганимиз барчангизга аён. Шундай бўлсада, биринчи давра якунига келиб жамоамиз ўз ўйинини топа олди. Хар бир жамоа майдонга ижобий натижа учун тушади. Биз ҳам бугунги учрашувда муваффақият қозониб, биринчи даврани кучли ўнликка кирган ҳолда ва мухлисларимизни ҳурсанд қилган ҳолда, кўтаринки кайфиятда якунлашга ҳаракат қиламиз – дея бўлишди ўйинолди ўз фикралари билан бўлишиб футболчимиз.