«Барселона» 4 июль куни «Вильярреал»дан 3,25 миллион евро эвазига трансфер қилинган Денис Суарес асосий таркибда ўтказган ўйинлари учун футболчини тарбиялаган «Манчестер Сити»га бонуслар тўлайди.

2013 йилда каталонияликлар ушбу футболчини инглизлар клубида 1,6 миллион евро эвазига харид қилганди. Келишувда қўшимча бонуслар ҳам назарда тутилган.

«Барселона» бу йил у асосий таркибга киритилиши эвазига 800 минг евро бонус тўлайди. Бундан ташқари, каталонияликлар у асосий таркибда ўтказган ҳар ўнинчи ўйиндан кейин манчестерликларга 800 минг евро тўлаб боради. Бу Суареснинг ўйинлари сони 100тага етмагунича давом этади.

Шу тариқа, футболчи учун тўланадиган бонус миқдори 8,8 миллион еврогача етиши мумкин. Бу маълумот клуб вакили Хосе Бивес томонида тасдиқланган.