Биринчи даврани «Навбаҳор»да ўтказган украиналик ҳужумчи Олександр Пишур кейинги фаолиятини Қозоғистонда давом эттирадиган бўлди.
Давралар оралиғида «Навбаҳор» билан хайрлашган футболчи «Тараз» клуби билан шартнома имзолади. Мавсум бошида Пишур айнан «Тараз» билан хайрлашгач, «Навбаҳор» аъзосига айланганлигини қўшимча қилиш жоиз.
2015 йилги мавсумда Пишур жамбулликлар сафида 32 та ўйинда майдонга тушиб, тўққизта гол муаллифига айланганди.
Биринчи даврада «Навбаҳор» шарафини ҳимоя қилган ҳужумчи 14 та ўйинда иштирок этиб, ўз ҳисобига бешта гол ёзиб қўйганди.
