Испания профессионал футбол лигаси (LFP) президенти Хавьер Тебас “Барселона” ҳужумчиси Лионель Мессини ёнини олди. Шу ҳафтада Испания суди Месси ва унинг отасини 21 ойлик шартли қамоқ жазосига маҳкум қилганди.
«Ҳуқуқий тузилмалар муаммосига дуч келмоқдамиз. Месси жиноятчи эмас, у фақат солиқ тўлашда нотўғри йўл танлаган холос. Месси Испания хазинасига 160 миллион евродан ортиқ солиқ тўлаган, бу пуллар йўлларни ва касалхоналарни барпо этишга сарфланган.
Албатта, Месси қонун билан боғлиқ муаммолар туфайли Примерани тарк этишидан мен ҳам қўрқаман. LFP унинг айбдорлигига ишонмайди, биз уни Испания чемпионатида кўришдан ҳамон мамнунмиз», — деди Тебас AS хабарига кўра.
