Шу пайтгача ўтказилган Европа чемпионатининг 14та финалида гол урган футболчиларга тўхталиб ўтамиз.

Ҳали бирорта футболчи финалда хет-трикка эришмаган. Уч футболчи финал баҳсларида "дубль" қайд этган. Испаниялик Фернандо Торрес ҳисобида ҳам иккита гол бор, бироқ у бу голларни иккита финалда урган (ҳар бир ўйинда биттадан).

Евро финалларида 2тадан гол урган футболчилар

Герд Мюллер (ФРГ) – Евро-1972 финалида "дубл"
Хорст Хрубеш (ФРГ) - Евро-1980 финалида "дубл"
Оливер Бирхофф (Германия) – Евро-1996 финалида "дубл"
Фернандо Торрес (Испания) – Евро-2008 ва Евро-2012 финалларида биттадан гол

Европа чемпионатларининг умумий тўпурарларига тўхталадиган бўлсак, Криштиану Роналду Евро-2016да 3та гол урди ва Европа чемпионатларидаги голлари сонини 9тага етказиб олди. Бу кўрсаткич бўйича у Платинига тенглашиб олди. Мишель барча голларини битта мусобақада урган бўлса, португалиялик футболчи 4та турнирда шунча гол урди. Демак, бугун Роналду битта гол урса, Платинининг рекордини ортда қолдиради, Гризманн "хет-трик" қайд этса, битта мусобақадаги голлар сони бўйича франциялик футболчининг натижасини такрорлайди.

37 нафар ўйинчи Евро финал баҳсларида икки мартадан қатнашишга муваффақ бўлган. Португалия терма жамоаси аъзолари Криштиану Роналду ва Рикарду Карвалью бугун майдонга тушса, ушбу рўйхатга ва 38 ва 39-футболчи бўлиб киришади.

Европа чемпионатларининг энг яхши тўпурарлари:
9 гол: Мишель Платини (Франция), Криштиану Роналду (Португалия);
7 гол: Алан Ширер (Англия);
6 гол: Антуан Гризманн (Франция), Тьерри Анри (Франция), Патрик Клюйверт (Голландия), Руд ван Нистелрой (Голландия), Нуну Гомеш (Португалия), Златан Ибраҳимович (Швеция), Уэйн Руни (Англия).

Ниҳоят: Берти Фогтс – Европа чемпионатида ҳам футболчи, ҳам мураббий сифатида ғолиб чиққан ягона шахс ҳисобланади. Бугун Франция ғалаба қозонса, Фогтснинг натижасини такрорлайди. Дидье 2000 йилда терма жамоа сардори сифатида Анри Делон кубогини боши узра баланд кўтарган.