“Нефтчи” ПФК матбуот хизмати томонидан мухлислар ўртасида фототанлов эълон қилганимиздан хабарингиз бор. Айтиш керакки, якуний натижалар ҳамда энг сара суратларни танлаш борасида бир қанча қийинчиликларга дуч келдик. Чунки мухлислар томонидан танлов учун бир-биридан сифатли суратлар етиб келган. Энг яхши суратларни аниқлаш жараёнида суратларнинг сифати ва ноодатий, ўзига хос кўринишларга эътибор қаратдик. Шу ўринда ғолибларни аниқлашда кўплаб мухлисларнинг фикрларига таянганимизни ҳам айтиб ўтиш мумкин. Демак натижалари билан танишинг.
Биринчи ўринни “Нефтчи” жамоаси ашаддий мухлисаси Ҳадичахон опа томонидан юборилган суратга беришга қарор қилдик. Жамоамиз мухлисаси узоқ йиллардан бери “Нефтчи”га ишқибозлик қилиб келиши таҳсинга сазовор ҳолатдир. Ҳадичахон опани биринчи ўрин билан табриклаймиз!
Иккинчи ўрин “Нефтчи мухлислар гуруҳи” вакили Абдулазиз Абдувоҳидовга насиб этди. “Нефтчи” мухлислар жамоаси аъзоси танловимиз учун 10дан ортиқ сара суратларни юборганлар. Уларга иштирок учун раҳмат айтиб қоламиз.
Кучли учликни марғилонлик Изатилло Ҳабибуллаев якунлаб беради. (суратда чапдан ўнгга биринчи)Асли касби фотограф бўлган Изатиллонинг суратлари ҳам энг яхшилардан бири деб топилди. Ғолиблар ўз суратларини юборган Телеграм рақамларига мурожаат қилишлари сўралади. Уларни эсдалик совғалар кутмоқда.
Бизга юборилган хеч бир сурат эътиборимиздан четда қолмайди, азиз мухлис! Энди сиз ўз суратларингизни “Истиқлол” стадионининг улкан мониторида кутинг:)
Танлов “Нефтчи” матбуот хизмати томонидан ўтказилди.
