Бугун соат 16:00 да Европа лигаси 3-саралаш босқичига қуръа ташланади. Қуръадан олдин УЕФА жамоаларни гуруҳларга ажратиб олди. Унга асосан "Спартак" ва "Краснодар" клубларининг тахминий рақиблари маълум бўлди.

"Спартак" биринчи гуруҳдан жой олди ва унга қуйидаги жамоалар рақиб бўлиши мумкин: АЕК (Ларнака, Кипр)/"Клифтонвилл" (Ш.Ирландия), АЕК (Греция), "Войводина" (Сербия)/"Коннас Куэй" (Уэльс), "Пандурий" (Руминия), "Локомотив" (Загреб, Хорватия)/РоПС (Финляндия).

Ҳамюртимиз Одил Аҳмедов тўп сураётган "Краснодар" иккинчи гуруҳдан жой олди ва унга қуйидаги жамоалар рақиб бўлиши мумкин: "Слован" (Братислава, Словакия)/"Елгава" (Латвия), "Люцерн" (Швейцария), "Стрёмсгодсет" (Норвегия)/"Сённерйюск" (Дания), "Славия" (Чехия)/"Левадия" (Эстония), "Хартс" (Шотландия)/"Биркиркара" (Мальта), "Мариехамн" (Финляндия)/"Одд" (Норвегия).