"Челси" клуби "Рома" ҳимоячиси Костас Маноласни ўз сафига қўшиб олмоқчи.
Sky Sport Italia хабарига кўра, лондонликлар грециялик 25 ёшли футболчи учун 32 миллион евро беришга тайёрлар ва футболчининг ўзига йилига 4 миллион евро маош таклиф қилмоқчилар.
Манолас "Рома"да йилига 1,5 миллион евро ишлаб топади, янги шартнома бандлари уни қониқтирмаяпти.
Бундан ташқари ҳимоячи 31 августгача сотилса "Рома" футболчининг собиқ клуби "Олимпиакос"а 10 миллион евро тўлайди.
La Gazzetta dello Sport хабарига кўра, "Арсенал" ҳам бу футболчига йиллик 4 миллион евро маош таклиф қилмоқда.
