УЕФАнинг ҳакамлар масалалари раҳбари, машҳур ҳакам Пьерлуиджи Коллина Евро-2016 финалида Португалия - Франция учрашувида (1:0) содир бўлган воқеа хусусида фикрини билдирди.
Учрашувнинг биринчи бўлимида француз яримҳимоячиси Димитри Пайет рақиби Криштиану Роналдуга нисбатан қўполлик қилган ва португалиялик футболчи жароҳати сабабли майдонни тарк этган эди.
"Пайет қоида бузган. У сариқ карточкага лойиқмиди? Бу баҳсли ҳолат. Вазиятнинг содир бўлиши, тиззага тиззага урилиши - бу бахтсиз ҳодиса. Омадсиз ҳаракат. Пайетнинг унга зиён етказиш нияти йўқ эди", - дейди Коллина.