«Вильярреал» ҳимоячиси Матео Мусаккио шартнома тузиш масаласида «Милан» клубини шоширмоқда, деб хабар беради Gazzetta dello Sport.
Мусаккио ва «Милан» молиявий масалалар бўйича келишувга эришиб бўлишганди. Клублар ҳам трансферга рози бўлишди, аммо «Милан» футболчини харид қилиш учун маблағ тополмаяпти. Миланликлар хитойлик тадбиркорларнинг инвестицияси ёки Карлос Баккани сотишдан тушган маблағга умид билдиришмоқда. Ҳозирча иккала вариант ҳам амалга ошгани йўқ.
Муссаккио эса кутишни истамаяпти. У эртагаёқ «Рома» ёки бошқа инглиз клубларининг таклифини ўрганиб чиқишга тайёрлигини билдирди.
