AS журналисти Санти Хименес "Барселона"нинг Qatar Airways билан тузган янги шартномаси ҳақида фикр билдирди. Унинг фикрича, каталонияликлар янада кўпроқ пулга эга бўлишлари мумкин эди.
"Берилган ваъдаларини бузгани учун Хосеп Бартомеу бошлиқ "Барселона" раҳбариятини ҳеч ким айблай олмайди. Улар янги ҳомийлик шартномаси тарихга киришини айтгандилар, шундай ҳам бўлди: бундай аҳмоқона ишни ҳали ҳеч ким қилмаган.
Месси, Неймар ва Суаресдай юлдузлари бор клуб уй ва сафар формаларини, машғулотлар комплектини, "Ноу Камп" фасадини, ўртоқлик учрашувларидаги рекламаларни арзимаган 35 миллион еврога сотдилар. "Бавария" машғулот формасини шу пулга икки баробар келадиган суммага, яна худди шу фирма - Qatar Airways га сотган вақтда-я!
Бу раҳбарлар уятдан ёниб кетишлари керак. Улар жамоатчиликни оташин нутқлари билан аҳмоқ қилмоқчи бўлишади. Ўтган йилги зиддиятлар сўнмай туриб янгилари пайдо бўлди. Майли, бу аҳмоқона ҳаракатлар ўз йўлига, аммо камига улар бизни алдамоқдалар", - деб ёзади Хименес ўз мақоласида.
